2015 жылдың екінші тоқсаны компания үшін 28 сәуір күні аяқталған болатын. Бұл уақыттағы табыс 58 млрд долларға жетті, ал таза пайда 13,6 млрд долларды құрап отыр (бір акцияға 2,33 доллардан). Жалпы, аталған уақыт аралығында компания 61,2 млн дана iPhone смартфондарын сатып үлгеріпті.
Өткен тоқсанмен салыстырғанда табыс 29 пайызға, пайда 40 пайызға артып отыр. Компания өкілдерінің хабарлауынша, табыс көлемінің артуына iPhone мен Mac өнімдерінің жаппай сатылуы себеп болған.
Айта кетейік, былтыр смартфон нарығында Apple компаниясы басты қарсыласы Samsung корпорациясын басып озып, көшбасшы атанған болатын. Жылдың соңғы тоқсанында Apple 74,8 млн дана смартфон сатты.